Umdeildur hnefaleikadómari hættir

Hnefaleikadómarinn Cynthia J. Ross hefur ákveðið að hætta að dæma hnefaleika en allt hefur verið vitlaust síðan hún dæmdi bardaga Floyd Mayweather og Canelo Alvarez um helgina.

Gríðarlega athygli vakti að Ross skildi dæma bardagann jafnan, 114-114 en flestum fannst það vera frekar áberandi að Mayweather hefði unnið örugglega. Þar á meðal hinum dómurum bardagans en þeir dæmdu Mayweather sigur, 116-112 og 117-111.

Þetta er í annað sinn á fimmtán mánuðum sem Ross gerir allt vitlaust. Í júní á síðasta ári dæmdi hún Tim Bradley sigur gegn Manny Pacquiao.

Ross fékk um eina milljón króna fyrir að dæma bardagann um síðustu helgi.