Robin Thicke í stuttri ól eftir skandal

Robin Thicke leit vart af eiginkonu sinni, Paula Patton, í útgáfupartý nýju plötunnar Blurred lines sem Thicke gaf út á miðvikudaginn.

Thicke hefur verið mikið gagnrýndur fyrir texta lagsins Blurred lines og það var honum ekki til aukinna vinsælda þegar mynd birtist á netmiðlum af honum með hendina inná rassinum á ókunnri konu eftir VMA hátíðina sem haldin var á dögunum.

Samkvæmt New York Post var Thicke límdur við eiginkonu sína í útgáfupartýinu og leit vart af henni. Hann tók sér þó tíma til að flytja lagið Blurred lines einu sinni í útgáfupartýinu áður en hann hraðaði sér aftur til eiginkonu sinnar en upphaflega stóð til að hann spilaði þrjú lög.

Hér má sjá myndina umdeildu en Thicke virðist ekki hafa gert sér grein fyrir speglinum sem umlykur herbergið í kringum hann þegar myndin var tekin.