San Francisco og New Orleans byrja vel

NFL-deildin er farin í fullan gang. Fyrsti leikur var spilaður á fimmtudag og fjöldi leikja fór síðan fram í gær. Ekki var mikið um óvænt úrslit í 1. umferð en mikið fjör var í flestum leikjum. Liðin sem spáð er hvað bestum árangri misstigu sig ekki.

Seattle sýndi ekki sínar bestu hliðar en vann þó nauman sigur. San Francisco vann uppgjörið gegn Green Bay þar sem leikstjórnandi San Francisco, Colin Kaepernick, kastaði yfir 400 jarda.

Rimma New Orleans og Atlanta var áhugaverð. Atlanta spáð betra gengi í vetur en New Orleans með hörkulið og búið að endurheimta þjálfara sinn úr leikbanni. New Orleans sýndi og sannaði í leiknum að það hefur alla burði til þess að fara langt.

Fyrstu umferðinni lýkur svo í nótt með tveimur leikjum. Washington fær þá Philadelphia í heimsókn og Houston sækir San Diego heim.

Úrslit 1. umferðar:

Denver - Baltimore  49-27

Buffalo - New England  21-23

Carolina - Seattle  7-12

Chicago - Cincinnati  24-21

Cleveland - Miami  10-23

Detroit - Minnesota  34-24

Indianapolis - Oakland  21-17

Jacksonville - Kansas City 2-28

New Orleans - Atlanta  23-17

NY Jets - Tampa Bay  18-17

Pittsburgh - Tennessee  9-16

San Francisco - Green Bay  34-28

St. Louis - Arizona  27-24

Dallas - NY Giants  36-31