Sigurwin er nýja lukkudýr íslensku stelpnanna

Það styttist óðum í fyrsta leik íslensku stelpnanna á EM kvenna í fótbolta sem hófst með leikjum í A-riðli í dag. Á morgun er síðan komið að B-riðlinum þar sem íslenska liðið er í eldlínunni.

Stelpurnar okkar töpuðu öllum leikjum sínum á Evrópumeistaramótinu í Finnlandi fyrir fjórum árum en þegar liðið mætir Norðmönnum í fyrsta leik sínum á EM í Svíþjóð á morgun þá verður liðið komið með nýtt lukkudýr.

Svala Helgadóttir, annar sjúkraþjálfari íslenska liðsins, fékk fallegan gullfisk í afmælisgjöf frá hópnum. Hann var strax nefndur Sigurwin (ekki Sigurvin) og ráðinn sem lukkudýr liðsins.

Við verðum síðan að sjá til í leiknum á móti Norðmönnum á morgun hvort að Sigurwin beri nafn með rentu.