Hanna Rún: Auðvitað koma oft upp einhver "rifrildi"

Dansarinn Hanna Rún Óladóttir, 22 ára, sem landaði 6. sætinu í Evrópubikarmóti í Latín dansi ásamt rússneska unnusta sínum og dansfélaga, Nikita Bazev, 25 ára, sem tók meðal annars þátt í sjónvarpsþættinum Dancing with the stars, er á faraldsfæti. Hún fletti með okkur í gegnum myndirnar sínar sem hún hefur tekið á ferðalagi hennar og Nikita undanfarna daga sem hafa verið annasamir.

Sjötta sætið þykir mjög góður árangur því í umræddri danskeppni fékk aðeins eitt par frá hverju landi að keppa í úrslitunum.

Brjálað að gera - vægast sagt

Hvar í veröldinni eruð þið stödd núna? „Við erum í Þýsklandi og komum heim  á morgun. Við verðum heima í tíu daga og förum svo til Wuppertal og keppum þar. Þá förum við í æfingabúðir í Danmörku í nokkra daga. Svo fljúgum við til Íslands og verðum heima í tvær vikur og förum svo til Bangkok í tvær vikur að kenna æfa og keppa. Við fljúgum svo beint til Þýskalands og keppum á móti sem heitir Germani Open og förum svo þaðan til Russlands,“ útskýrir Hanna Rún.

Ég gæti þetta ekki án hans og hann ekki án mín 

Hvernig gengur að vera elskendur og vinna svona náið saman? „Ég segi að við séum fullkomið „team“. Við vinnum rosalega vel saman og sýnum hvort öðru þolinmæði og skilning því ef það væri ekki til staðar væri þetta ekki hægt. Við erum bæði rosalegar keppnismanneskjur og ætlum okkur að ná alla leið á toppinn. Við hjálpumst að bæði á dansgólfinu og utan þess enda er þetta ekket annað en „teamwork“. Ég gæti þetta ekki án hans og hann ekki án mín. Auðvitað koma oft upp einhver „rifrildri“ á æfingum þegar við erum kannski búin að æfa í átt eða tíu klukkutíma samfleytt og líkamarnir orðnir þreyttir og einbeitingin ekki eins mikil en þá teljum við bara upp á tíu, peppum hvort annað upp og höldum áfram,“ segir Hanna Rún.