NFL-leikmaður handtekinn og ákærður fyrir manndrápstilraun

Ausar Walcott, leikmaður Cleveland Browns í NFL-deildinni, hefur verið handtekinn og kærður fyrir tilraun til manndráps.

Walcott lenti í útistöðum við mann fyrir utan barinn Passaic í New Jersey í Bandaríkjunum en hann mun hafa kýlt mann að nafni Derrick Jones í andlitið aðfaranótt sunnudags en hann liggur en á meðvitundarlaus á sjúkrahúsi og ástand hans alvarlegt.

Ausar Walcott lék með Háskólanum í Virginíu á árunum 2009-2012 en var rekinn úr liðinu  fyrir samskonar atvik.

Hann fékk samt sem áður samning í NFL-deildinni en nú er útlitið ekki gott fyrir Walcott sem var að klára sitt fyrsta tímabil í deildinni.

Forráðamenn Cleveland Browns gáfu frá sér stutta yfirlýsingu vegna málsins sem hljóðar svona: „Liðið er meðvitað um atburðarásina.“