50 ár frá fyrstu geimferð konunnar

Í dag héldu Rússar upp á að 50 ár eru síðan fyrsta konan fór út í geim, en þann 16. júní 1963 lagði geimfarinn Valentina Tereshkova upp í þessa sögulegu ferð. Hún er í enn dag er eina konan sem farið hefur í geimferð ein síns liðs.

Valentina var 25 ára bóndadóttir sem vann í textílverksmiðju þegar hún var valin til verksins. Þá var hún mikil áhugamanneskja um fallhlífarstökk og hafði ágæta reynslu af þeim.

Yfir geimferðinni ríkti mikil leynd og Valentina var bundin þagnareið. Hún mátti ekki segja fjölskyldu sinni frá fyrirhugaðri ferð, en þau fengu fréttirnar þegar geimferðastofnun Rússlands greindi heiminum frá henni í útvarpi. Geimferðin stóð yfir í 48 klukkutíma, en á þeim tíma fór hún þrjá hringi í kringum jörðina.

Í dag hafa 534 einstaklingar farið út í geim. Af þeim eru aðeins 57 konur.