Hvaleyrarholti lokað: Fólk er bara að keyra í hringi

„Við erum bara pikkföst hérna, fólk er bara að keyra í hringi,“ segir Helga Pálsdóttir íbúi á Hvaleyrarholti í Hafnarfirði.

Íbúar í hverfinu komust hvorki lönd né strönd fyrr í dag vegna ráðstafana bæjarins í tengslum við skrúðgönguna í bænum. Tvær leiðir eru út af Holtinu og var þeim báðum lokað.

 

„Það er heilt hverfi á höfuðborgarsvæðinu bara hreinlega lokað og það kemst enginn neitt. Við erum búin að athuga hvort það séu einhverjar varaleiðir, en það er ekki neitt - það er bara algjörlega lokað,“ sagði Helga í samtali við fréttastofu fyrr í dag. „Fólk er núna bara að keyra í hringi og reyna að finna út úr þessu.“

Steinunn Þorsteinsdóttir, upplýsingafulltrúi Hafnarfjarðarbæjar, segir í samtali við fréttastofu að hverfinu hafi verið lokað á meðan skrúðgangan fór framhjá. „Þetta voru nákvæmlega 22 mínútur sem það var lokað,“ segir hún í samtali við fréttastofu.

Steinunn segir að það hafi verið búið að kynna lokunina mjög vel, tilkynningar hafi verið sendar í öll hús. „Þetta átti að koma neinum á óvart, þeir sem þurftu nauðsynlega að komast, fengu að fara í gegn,“ segir hún.