Innlent

KK og Bubbi hætta einnig við KMF

Kristján Hjálmarsson skrifar
KK og Bubbi munu ekki spila á Keflavík Music Festival eins og til stóð.
KK og Bubbi munu ekki spila á Keflavík Music Festival eins og til stóð.

Enn fækkar þeim listamönnum sem til stóð að kæmu fram á Keflavík Music Festival. Á Facebook-síðu Kristján Kristjánssonar, KK, er tilkynnt að hann muni ekki koma fram í kvöld þar sem samningar lágu ekki fyrir í tæka tíð við umboðsskrifstofu listamannsins.

"Það er vinnuregla að samningar liggi fyrir áður en listamenn á vegum umboðsskrifstofunnar Prime koma fram. Við hörmum að KK geti ekki tekið þátt í festivalinu að þessu sinni en berum fyrir góðar kveðjur til allra tónleikagesta með ósk um góða skemmtun," segir á Facebook-síðu hans.

Í morgun bárust svo þær fréttir að Bubbi Morthens væri meðal þeirra sem hætt hafa við þátttöku á tónlistarhátíðinni.

Á Facebook-síðu Bubba segir: "Ekkert verður að fyrirhuguðum tónleikum Bubba Morthens í Keflavík music festival í kvöld vegna þess að ekki var staðið við samningsskuldbindingar af hálfu forráðamanna festivalsins við umboðsskrifstofu Bubba, prime ehf. Við hörmum að Bubbi geti ekki tekið þátt í festivalinu en berum fyrir góðar kveðjur til allra tónleikagesta með ósk um góða skemmtun."

Vísir greindi frá því fyrr í dag að Micha Moor myndi ekki koma fram þar sem sveitin hefði ekki fengið flugmiða. Þá hættu Ensími og Sign við að koma fram í Tuborg-tjaldinu í gær þar sem þeir töldu tónleikahaldara ekki standa við gerða samninga. Þess má geta að Ragnar Sólberg, forsprakki Sign, sem ekki hefur komið fram í fjölda ára, flaug sérstaklega til Íslands frá Noregi af þessu tilefni.

 

 


Tengdar fréttir

Keflavík Music Festival í uppnámi

Tvær hljómsveitir af fjórum sem spila áttu í Tuborg-tjaldinu á Keflavík Musik Festival hættu við að koma fram. Ekkert verður af tónleikum Micha Moor, sem spila átti á hátíðinni í kvöld, þar sem hann fékk enga flugmiða. Erfiðasta nótt lífs míns, segir tónleikahaldarinn Óli Geir.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.