Katrín vill son en Vilhjálmur dóttur

Katrín Middleton, eiginkona Vilhjálms prins Breta, segist vona að hún gangi með strák. Katrín er gengin fimm og hálfan mánuð. Hún talaði opinskátt um meðgöngu sína í fyrsta sinn í dag þegar hún fagnaði degi Heilags Patreks.

Hún sagðist hlakka til að eiga barnið, en von er á því í júli. Hún væri reiðubúinn undir andvökunæturnar sem oft fylgja litlum börnum. Katrín og Vilhjálmur hafa ennþá ekki fengið að vita hvers kyns barnið er.

Eftir því sem fram kemur á fréttavef Telegraph upplýsti Katrín það líka að Vilhjálmur prins vonar að barnið sé stúlka.