Guðlaugur Victor og félagar steinlágu fyrir Feyenoord

Guðlaugur Victor Pálsson og félagar í NEC Nijmegen steinlágu fyrir Feyenoord, 3-0, í hollensku úrvalsdeildinni í knattspyrnu í dag.

Jean-Paul Boëtius skoraði fyrsta mark leiksins eftir rúmlega tíu mínútna leik en það var síðan Graziano Pellè sem kom gestunum í 2-0 rétt fyrir lok fyrri hálfleiksins.

Jean-Paul Boëtius skoraði síðan sitt annað mark í leiknum rétt fyrir leikslok og gulltryggði öruggan sigur Feyenoord.

Feyenoord er í þriðja sæti deildarinnar með 36 stig en NEC Nijmegen í því sjöunda með 36 stig.

Guðlaugur Victor lék allan leikinn fyrir heimamenn í dag.