Snjóruðningstæki að störfum síðan þrjú í nótt

Snjóruðningstæki og bílar hafa verið að síðan þrjú í nótt. Reynt er að halda stofnbrautum og strætisvagnaleiðum opnum og að tryggja að fólk komist inn á bílastæði við grunnskóla og leikskóla.

Eins og greint var frá fyrr í morgun var Víkurvegi í morgunsárið enda er vegurinn mjög slæmur í svona veðrum, fljótt myndast stórir skaflar þar. „Þar varð árekstur áðan og því ekki hægt að moka og allt orðið stopp þar strax," sagði Guðjóna Björk Sigurðardóttir, skrifstofustjóri rekstrar og þjónustu hjá Reykjavíkurborg á vef borgarinnar, fyrr í morgun.

Vindurinn setur strik í reikninginn og það er fljótt að skafa í skafla á ákveðnum stöðum eftir að mokað er. „En það eru allir úti að vinna að gera sitt besta", sagði hún líka. Veðrið fer versnandi og hvetur Guðjóna fólk til að skoða vel aðstæður áður en það heldur af stað, jafnvel halda sig heima sé þess kostur og alls ekki að fara af stað á vanbúnum bílum.