Áfram snjóbylur í dag - mikill vindur á morgun og föstudag

„Það verður áfram mikill vindur í dag og hættir að snjóa upp úr hádegi, en það má búast við skafrenningi næstu daga, því það verður áfram mikill vindur á morgun og föstudag," segir veðurfræðingur á Veðurstofu Íslands.

Snjórinn sem féll til jarðar í nótt er laus og fýkur mjög auðveldlega. Það byrjaði að snjóa lítillega klukkan tvö í nótt og klukkan þrjú skall snjóbylurinn á. „Klukkan níu í morgun var 12 sentimetra jafnfallinn snjór, það er nokkuð mikið miðað við það sem gengur og gerist."

Fólk ætti því að fara varlega í dag í umferðinni og halda sig heim ef möguleiki er á því.