Allar sveitir Landsbjargar kallaðar út

„Það er nóg að gera. Við erum úti um alla höfuðborgina og á Suðurnesjum," segir Gunnar Stefánsson hjá Slysavarnarfélaginu Landsbjörg. Hann segir að mestur mannskapurinn hafi verið sendur á Vesturlandsveg. „Þar er einhver hnútur sem og út um alla borgina," segir Gunnar.

Hann segist sjálfur hafa farið út á Reykjanesbraut á eigin bíl fyrir nokkrum bíl en snúið við. „Mér fannst það bara ekki vera þess virði að vera að þvælast," segir hann. Hann segir að allar sveitir Landsbjargar á Suðvesturlandinu og á Suðurlandinu séu í aðgerð. Hann segir líka að of mikið af fólki sé á vanbúnum bílum sem eigi að vera heima þegar svona viðrar.

Vísir hvetur fólk sem hefur upplýsingar eða myndir úr óveðrinu að senda þær á ritstjorn@visir.is.