Innlent

„Ég trúi ekki á hástemmdan loforðaflaum“

Árni Páll ávarpaði landsfundargesti eftir að tilkynnt var um úrslit.
Árni Páll ávarpaði landsfundargesti eftir að tilkynnt var um úrslit.
„Hjá okkur á ekki að vera neitt karlagrobb, engar goðsagnir, ekkert fals og engin froða," sagði Árni Páll Árnason, nýkjörinn formaður Samfylkingarinnar, í ræðu sinni eftir að tilkynnt var um úrslit á Hlíðarenda um klukkan hálf tólf í dag.

Árni Páll þakkaði keppinaut sínum, Guðbjarti Hannessyni, fyrir heiðarlega og góða kosningabaráttu.

Árni Páll hlaut 3.474 atkvæði gegn 2.115 atkvæðum Guðbjarts en alls voru 5.621 sem greiddu atkvæði.Á kjörskrá voru alls 18.318.

„Ég trúi ekki á hástemmdan loforðaflaum. Samfylkingin á að vera raunsær baráttuflokkur. (...) Hjá okkur á ekki að vera neitt karlagrobb, engar goðsagnir, ekkert fals og engin froða."

Hinn nýkjörni formaður sagði jafnframt: „Með því að vera raunsæ og sönn getum við verið málefnalega ósigrandi í kosningunum í vor."

Kosningaþátttaka í formannskjörinu núna er talsvert minni en árið 2005 þegar Ingibjörg Sólrún sigraði Össur Skarphéðinsson í formannsslag, en þá greiddu 12.015 atkvæði.




Fleiri fréttir

Sjá meira


×