Kvótinn minnkar vegna síldardauðans

Sviðsstjóri hjá Hafrannsóknarstofnun segir einboðið að aflaráðgjöf stofnunarinnar í síld verði töluvert lægri vegna síldardauðans í Kolgrafarfirði. Sérfræðingar frá Hafró mæla nú umfang síldardauðans í firðinum með sérstökum neðansjávarmyndavélum.

Hátt í þrjátíu þúsund tonn af síld drápust í Kolgrafarfirði í desember á síðasta ári vegna súrefnisskorts og margt bendir til þess að magnið sé álíka mikið núna.

Sérfræðingar frá Hafrannsóknarstofnun verða við mælingar í firðinum í dag. Þorsteinn Sigurðsson, sviðststjóri hjá Hafró segir von á niðurstöðu síðar í þessari viku.

„Stóra verkefni dagsins er að reyna átta okkur á hvað mikið af síld hefur drepist. Það gerum, við með neðansjávarmyndavélum sem farið er með yfir inannverðan fjörðinn og svo fara þeir úteftir til að hægt sé að meta hversu mikið liggur á botninum og út frá því hversu mikið þetta er sem hefur drepist fyrir helgina," segir hann. Síldarkvótinn á síðasta ári nam 67 þúsund tonnum. þorsetinn segir einboðið að síldardauðinn muni hafa áhrif á næstu aflaráðgjöf stofnunarinnar.

„Okkar áhyggjur tengjast dauða síldarinnar og hversu mikið það er því þetta kemur til með að hafa áhrif á stærð hrygningarstofnins og þar af leiðandi ráðgjöf okkar og þess vegna höfum við verið að beina augunum, fyrsta kastið það minnsta hversu mikið þarna er á ferðinni," segir Þorsteinn.

Aðspurður segir hann víst að það þurfi að draga úr kvótanum vegna eþssa. „Það er nokkuð ljóst að það þarf að gera það. Þetta er það sem komið er eitthvað 30 þúsund tonn og ef það er stórt í viðbót þá er það alveg augljóst að ráðgjöf verður töluvert lægri en ella hefði orðið það þarf ekki flókin vísindi þar a bak við," segir hann.

Þorsteinn segir að síldardauðinn í Kolgrafarfirði sé einstakur á heimsvísu.