Þessir eru tilnefndir sem sjónvarpsmaður ársins

Síðustu tvær vikur hefur staðið yfir kosning hér á Vísi þar sem lesendum gafst kostur á að velja Sjónvarpsmann árins í forvali fyrir Edduverðlaunin. Kosningunni er nú lokið og var þátttakan glæsileg. Ríflega 7.500 gild atkvæði bárust en aðeins mátti kjósa einu sinni frá hverri IP-tölu. Þeir fimm sjónvarpsmenn sem röðuðu sér í efstu sætin í kosningunni á Vísi eru (í stafrófsröð!): Andri Freyr Viðarsson Björn Bragi Arnarsson Gísli Einarsson Jóhannes Kr. Kristjánsson Sigmar Guðmundsson Á Edduhátíðinni sjálfri gefst áhorfendum svo kost á að kjósa á milli þessara fimm efstu nafna í símakosningu á meðan hátíðin er sýnd í beinni útsendingu á Stöð 2 og hér á Vísi. Ólíkt öllum öðrum Edduverðlaunum þá er valið á Sjónvarpsmanni ársins alfarið í höndum áhorfenda. Aðrar tilnefningar fara í gegnum fjórar forvalsnefndir og svo kjósa meðlimir Íslensku sjónvarps- og kvikmyndaakademíunnar á milli tilnefndra verka. Kosning Akademíumeðlima stendur nú sem hæst og lýkur á miðnætti 13. febrúar.