Sigraðist á heróínfíkninni

Leikarinn Wes Bentley er búinn að vera edrú í fjögur ár en á tímabili var hann svo háður fíkniefnum, þar á meðal heróíni og kókaíni, að hann var við dauðans dyr.

Wes heillaði heiminn í kvikmyndinni American Beauty árið 1999 en vegna fíknarinnar lék hann lítið eftir það. Nú er hann hins vegar með nóg á prjónunum. Hann krækti sér í hlutverk í kvikmyndinni Interstellar sem er væntanleg frá leikstjóranum Christopher Nolan og í HBO-þættinum Open.

Wes kvæntist framleiðandanum Jacqui Swedberg árið 2010 og eiga þau tveggja ára son saman. Wes er afar feginn því að hafa farið í meðferð fyrir fjórum árum síðan.

“Ég hef fengið annað tækifæri og ég ætla að nýta það,” segir Wes.

Dragðu Tarotspil dagsins hér.