Lögreglan hvetur fólk til að vera heima

Lögreglan bendir fólki á að það er ekkert ferðaveður, skyggni ekkert og allt meira og minna stopp í borginni. Fólk er hvatt til að vera heima við þangað til að veður skánar.

Suðurlandsvegur er lokaður við Olís í Norðlingaholti, verið er að skoða lokanir á Vesturlandsvegi við Þingvallaveg. Lögreglan hvetur fólk til að lesa í bók, hringja í vin, vera heimavið frekar en að leggja af stað núna.

Reikna má með að öll heimaþjónusta, heimahjúkrun og félagsleg heimaþjónusta í Reykjavík gæti orðið sein í dag vegna veðurs. Þetta kemur fram á vef Reykjavíkurborgar. Þar segir líka að haft verður samband við fólk ef fella verður niður þjónustu sökum ófærðar.