Ekkert flogið innanlands í dag

Öllu flugi innanlands í dag hefur verið aflýst. Þetta kemur fram á heimasíðum Flugfélags Íslands og Flugfélagsins Ernis. Millilandaflug hefur þó gengið nokkuð áfallalaust fyrir sig.

Flugfélag Íslands vinnur að skipulagi fyrir morgundaginn. Athugun verður gerð á flugi með Erni til Vestmannaeyja, Hornafjarðar, Húsavíkur og Bíldudals í fyrrmálið klukkan 8:15 í fyrramálið.

Aflýsa þurfti flugi SAS til og frá Osló í dag vegna veðursins. Töluverð seinkun varð á vélum Icelandair til Osló, Amsterdam og Manchester í morgun.

Allri umferð inn og út úr flugstöðinni í Keflavík var beint um innganga í innritunarsal á vesturhlið hússins í dag. Dyrum komusalar á austurhlið hússins var lokað vegna veðursins.