Eyrarrósarhafinn fær 1.650 þúsund

Verðlaunafé samkeppni Byggðastofnunar, Flugfélags Íslands og Listahátíðar í Reykjavík um Eyrarrósina svokölluðu hefur verið hækkað í 1.650 þúsund krónur. Handhafa verðlaunanna bíða að auki flugferðir með Flugfélagi Íslands. Aðrir tilnefndir fá 300 þúsund krónur í sinn hlut.

„Markmið Eyrarrósarinnar er að beina sjónum að og hvetja til menningarlegrar fjölbreytni, nýsköpunar og uppbyggingar, á sviði menningar og lista. Umsækjendur um Eyrarrósina geta meðal annars verið stofnun, tímabundið verkefni, safn eða menningarhátíð. Valnefnd tilnefnir þrjú verkefni og hlýtur eitt þeirra Eyrarrósina,“ segir á vef Fjallabyggðar þar sem fram kemur að frestur til að skila umsókn er til 7. janúar.