Russell Crowe bjargað af strandgæslunni

Strandgæsla Bandaríkjanna kom Íslandsvininum Russell Crowe til bjargar um helgina. Leikarinn var á kajaksiglingu ásamt félaga sínum við Long Island í New York þegar þeir villtust af leið.

Talsmaður strandgæslunnar segir að vinirnir hafi verið á siglingu fram eftir degi og að þeir hafi týnt áttum þegar rökkva tók. Þá rak að landi við Huntington flóa.

Crowe mun hafa kallað í átt að báti strandgæslunnar sem var í eftirlitsferð á svæðinu. Félagarnir fengu síðan far með gæslunni.

Samkvæmt upplýsingum frá bandarísku strandgæslunni voru vinirnir báðir í björgunarvestum og virtust þeir vera vanir ræðarar.

Eftir björgunina birti Crowe færslu á samskiptamiðlinum Twitter þar sem hann þakkaði strandgæslunni fyrir aðstoðina.