Vigdís og Frosti leiða lista Framsóknar, Jónína mætti ekki

Samþykkt hefur verið á auka kjördæmisþingi Framsóknarflokksins í Reykjavík að Vigdís Hauksdóttir og Frosti Sigurjónsson leiði lista flokksins í komandi þingkosningum. Vigdís verður í efsta sæti í Reykjavíkurkjördæmi suður og Frosti í norður.

Þá skipa Karl Garðarsson og Sigrún Magnúsdóttir annað sætið á listunum. Ein breytingartillaga kom fram við framboðslistana og var hún felld.

Jónína Benediktsdóttir sem hafði lýst yfir áhuga á að leiða Framsóknarflokkinn í Reykjavíkurkjördæmi suður mætti ekki á fundinn.

Listarnir verða skipaðir sem hér segir:

Reykjavíkurkjördæmi suður

1. Vigdís Hauksdóttir

2. Karl Garðarsson

3. Sveinbjörg Birna Sveinbjörnsdóttir

4. Jóhanna Kristín Björnsdóttir

5. Hafsteinn Ágústsson

6. Sunna Gunnars Marteinsdóttir

7. Ragnar Rögnvaldsson

Reykjavíkurkjördæmi Norður

1. Frosti Sigurjónsson

2. Sigrún Magnúsdóttir

3. Þorsteinn Magnússon

4. Fanný Gunnarsdóttir

5. Snædís Karlsdóttir

6. Einar Jónsson

7. Snorri Þorvaldsson