Fallið frá lagningu jarðstrengs í Vogum

Bæjarstjórn sveitarfélagsins Voga samþykkti á fundi sínum í gærkvöldi að falla frá þeirri ákvörðun sinni að ný háspennulína frá Hafnarfirði til Suðurnesja skuli lögð í jarðstreng í landi Voga.

Landsnet hefur sagt að jarðstrengur kostaði margfalt á við loftlínu. Með þessu er einni helstu hindrun fyrir álveri við Helguvík og ýmsum áætlunum um orkufreka starfssemi á Reykjanesi, vikið frá, auk þess sem línan mun auka afköst og öryggi á öllu dreifikerfinu á Reykjanesi.

Oddur Ragnar Þórðarsson bæjarfulltrúi i Vogum segir í tilkynnningu að þetta muni ekki leiða til meirihlutaslita í bæjarstjórn og að bæjarstjóri muni ekki missa vinnuna vegna þessarar breytingar.