Hetjurnar í Sundhöll Reykjavíkur

Maður var hætt kominn í Sundhöll Reykjavíkur í gær. Snarræði sundlaugavarða varð honum til lífs. Vaktina hefur tvívegis bjargað fólki frá drukknun á um tveimur árum.

Í Sundhöll Reykjavíkur eru starfsmenn gætnir og eftirtektarsamir. Um fjögur leytið í gær björguðu þau Guðrún, Ari og Bjarni lífi karlmanns með því að hnoða og blása í hann lífi. Það er í annað skipti sem þessi vakt endurlífgar manneskju því fyrir um tveimur árum björguðu þau lífi drengs.

„Við kipptum honum upp og byrjuðum að lífga hann við," segir Bjarni Valtýsson.

Sp. blm. Þetta er í annað skipti sem að svona atburður verður á ykkar vakt. Segið okkur frá því.

„Já, við lentum síðast í þessu árið 2010," segir Ari Gunnarsson. „Þá hoppaði drengur af brettinu og var ekki vel syndur. Hann fékk síðan kast í lauginni og við drógum hann upp úr hnoðuðum hann. Síða kom sjúkrabíllinn. Þannig að það blessaðist líka."

Þau segja að samvinna skipti sköpum í svona aðstæðum og að mörgu þurfi að huga.

Sp. blm. Guðrún, þú stjórnaðir aðgerðum hérna.

„Ég hringdi í neyðarlínuna og gerði greiðan aðgang fyrir sjúkrabíl," segir Guðrún Sæmundsdóttir.

Þau hafa öll starfað í um árabil í Sundhöllinni, en bráðlega lætur Bjarni af störfum vegna aldurs, Ari er nokkuð þekktur í kraftilyftingaheiminum og sumir vilja meina að hann sé sterkasti sundlaugavörður landsins.

Sp. blm. Getur verið að hér sé reynslumesti sundlaugavörður landsins og sá sterkasti saman komnir?

„Ég er sá reynslumesti," segir Ari og heldur áfram: „Hann Bjarni hérna er sá sterkasti."

Í það minnsta fullyrða þau að þau séu á heppnustu vaktinni, það sé mikil blessun að eiga þátt í því að bjarga mannslífi og það tvisvar.