Margrét ætlar að bjóða sig fram fyrir Dögun

Þingmaður Hreyfingarinnar, Margrét Tryggvadóttir hefur ákveðið að gefa kost á sér fyrir framboðin Dögun - stjórnmálasamtök um réttlæti, sanngirni og og lýðræði, fyrir næstu þingkosningar.

Ragnar Þór Ingólfsson býður sig einnig fram fyrir sama lista en hann hefur verið áberandi innan verkalýðshreyfinga síðustu ár, en hann er í stjórn VR og bauð sig síðast fram gegn sitjandi forseta ASÍ, sem hann tapaði.

Birgitta Jónsdóttir er þegar farin yfir í Pírataflokkinn sem var stofnaður fyrir skömmu, þau eru þó öll enn í Hreyfingunni, en Þór Saari er sá eini sem hefur ekki gefið út hvort hann hyggist gefa kost á sér fyrir annað stjórnmálaafl fyrir næstu alþingiskosningar.