Hælisleitendur flúðu land

Mál hælisleitendanna tveggja sem gerðu tilraun til þess að komast af landi brott með því að smygla sér um borð í flugvél Icelandair í sumar er í uppnámi. Þeir hafa flúið land.

Það vakti mikla athygli í sumar þegar þeir Adam Aamer og Alhawari Agukourchi voru handteknir um borð í flugvél Icelandair sem var á til Danmerkur. Þeir dvalist hér landi fjóra mánuði sem hælisleitendur áður en þeir létu til skarar skríða og komust inn á öryggissvæði flugstöðvar Leifs Eiríkssonar. Þar stálu þeir starfsmannabúningum og laumuðust um borð.

Upp komst um athæfið og var flugvélin tekin í öryggisskoðun, önnur vél fengin til flugsins og önnur áhöfn líka, vegna hvíldartímaákvæða. Brottför flugsins seinkaði um fjórar klukkustundir af þessum sökum og Icelandair lagði fram skaðabótakröfu á vegna þessa tjóns sem félagið varð fyrir af þessum völdum. Síðan

Í samtali við fréttastofu í sumar viðurkenndu mennirnir að hafa margsinnis reynt að flýja land, yfirleitt með því að komast um borð í skip. Og þá sögðust þeir ekki af baki dottnir, þeir væru staðráðnir í því að komast héðan.

Samkvæmt upplýsingum frá Ríkissaksóknara hefur þeim nú loks tekist ætlunarverk sitt en ekki er ljóst hvaða flóttaaðferð þeir notuðu í þetta sinn.

Ákært hafði verið í máli þeirra en nú hefur málið verið endursent ríkissaksóknara úr dómi og er nú í bið. Til greina kemur að senda ákæuna á eftir þeim til meðferðar í öðru landi en að sögn Huldu Maríu Stefánsdóttur saksóknara hefur slík ákvörðun ekki verið tekin.