ETS-kerfið fyrir losun tilbúið

Umhverfisstofnun (UMST) hefur opnað ETS-skráningarkerfið fyrir losunarheimildir fyrir allt EES-svæðið. Kerfið er rekið miðlægt af framkvæmdastjórn Evrópusambandsins en UMST heldur utan um og hefur umsjón og eftirlit með kerfinu hér á landi.

Opnun skráningarkerfisins bindur endahnút á undirbúningsvinnu sem Umhverfisstofnun hefur unnið að síðustu misseri við uppsetningu viðskiptakerfis Evrópusambandsins með losunarheimildir (ETS).

Skráningarkerfinu má að mörgu leyti líkja við netbanka þar sem fyrirtæki geta haldið utan um úthlutaðar losunarheimildir, keypt eða selt heimildir og gert upp vegna losunar. - shá