Ruddist inn á heimili og lamdi fjóra með járnröri

Rúmlega fimmtugur karlmaður var dæmdur í Héraðsdómi Reykjavíkur í morgun fyrir að ryðjast inn á heimili og lemja þar fjóra einstaklinga. Árásin beindist aðallega að einum manni inni í húsinu.

Sá flúði svo út af heimilinu með árásamanninn á hælunum. Hann settist inn í bifreið en árásamaðurinn sló bílinn með járnrörinu og braut framrúðu bílsins og aftari hliðarrúðuna.

Árásarmaðurinn játaði brot sitt skýlaust og er því ekki að finna frekar ástæður um árásina. Árásarmaðurinn er ekki á sakaskrá, en fram kemur í niðurstöðu dómsins að hann hafi átt óuppgerðar sakir við fórnarlambið.

Hann því var dæmdur í 5 mánaða skilorðsbundið fangelsi til tveggja ára.