Söngvari ZZ Top í Herrafataverslun Kormáks og Skjaldar

Söngvari hljómsveitarinnar goðsagnakenndu ZZ Top, Billy Gibbons, er staddur hér á landi en til hans sást í Herrafataverslun Kormáks og Skjaldar.

Samkvæmt upplýsingum Vísis skoðaði hann sig um og heillaðist mjög af verslunni þó hann hafi ekki keypt neitt. Með honum var íslenskur tónlistarmaður, en ekki er ljóst hvort Billy hyggist taka lagið hér á landi.

Hljómsveitin ZZ Top er líklega frægust fyrir glæsilegan skeggvöxt, en samkvæmt heimildum Vísis bauðst hárgreiðslumaður Herrafataverslunarinnar að snyrta skegg rokkarans, sem hann afþakkaði raunar pent.

ZZ Top er eiginlega hálf goðsagnakennd í rokkheiminum, en sveitin spilar blúsað rokk og ról. Hljómsveitin er rúmlega fjörtíu ára gömul og sú eina í heiminum sem hefur náð viðlíka aldri með stofnmeðlimum innanborðs.

Hér fyrir ofan má sjá myndband með félögunum þar sem þeir spila í Texas í Bandaríkjunum.