Eldur fyrir ofan Gallerí 17

Eldur kom upp á þriðju hæð við Laugarveg 91 í kvöld. Mikill reykjarmökkur stóð upp af húsnæðinu. Allt tiltækt lið slökkviliðsins á höfuðborgarsvæðinu var sent af stað. Fljótlega kom þó á daginn að eldsvoðinn var minniháttar og öllu liðinu var snúið við nema einum dælubíl. Slökkvilið réði fljótt niðurlögum eldsins með handslökkvitækjum.

Enn er ekkert vitað um orsakir brunans. Eldurinn var á þriðju hæð en rýmið sem kviknaði í virtist ekki vera íbúðarhúsnæði. Fyrir neðan er Gallerí 17 en eldurinn barst ekki þangað. Slökkviliðsmenn vinna nú að því að reykræsta húsnæðið.