Seattle valtaði yfir Niners

Línur eru heldur betur farnar að skýrast í NFL-deildinni enda er aðeins ein umferð eftir af deildarkeppninni. Úrslitakeppnin hefst svo á nýju ári.

Seattle Seahawks er heitasta liðið um þessar mundir en liðið sendi skýr skilaboð til annarra liða með því að slátra besta varnarliði deildarinnar, San Francisco, á heimavelli í nótt. Liðið var búið að skora yfir 50 stig tvo leiki í röð og fór nálægt því gegn Niners í nótt.

Peyton Manning og félagar í Denver Broncos eru aftur á mestu skriði í deildinni en liðið vann sinn tíunda leik í röð um helgina.

Dallas Cowboys og Washington Redskins mætast í hreinum úrslitaleik í sínum riðli um næstu helgi.

Úrslit:

Detroit-Atlanta 18-31

Carolina-Oakland 17-6

Dallas-New Orleans 31-34

Green Bay-Tennessee 55-7

Houston-Minnesota 6-23

Jacksonville-New England 16-23

Kansas City-Indianapolis 13-20

Miami-Buffalo 24-10

NY Jets-San Diego 17-27

Philadelphia-Washington 20-27

Pittsburgh-Cincinnati 10-13

Tampa Bay-St. Louis 13-28

Denver-Cleveland 34-12

Arizona-Chicago 13-28

Baltimore-NY Giants 33-14

Seattle-San Francisco 42-13

Það liggur fyrir hvaða lið fara í úrslitakeppnina í Ameríkudeildinni.

Houston Texans og Denver Broncos hvíla í fyrstu umferð.

Cincinnati, New England, Indianapolis Colts og Baltimore Ravens spila í fyrstu umferð.

Atlanta Falcons er búið að vinna Þjóðardeildina og situr hjá í fyrstu umferð. Green Bay gerir það væntanlega líka.

Önnur lið sem eru inni í úrslitakeppninni núna eru: Minnesota Vikings, San Francisco, Seattle, Washington.

Chicago, Dallas og NY Giants eiga enn möguleika á að komast í úrslitakeppnina.