Sigríður Ingibjörg styður Guðbjart sem formann

Sigríður Ingibjörg Ingadóttir, þingmaður Samfylkingarinnar, hyggst ekki bjóða sig fram til formennsku í sínum flokki. Hún ætlar að styðja Guðbjart Hannesson sem formann flokksins.

Þetta kom fram í þættinum Í vikulokin á Rás 1 en Sigríður Ingibjörg var gestur í þættinum. Fjallað er um málið á vefsíðu Ríkisútvarpsins.

„Ég hef talið að það þyrfti einhvern sem væri til þess fallinn að fylkja flokknum á bak við sig og stæði fyrir grunngildi jafnaðarstefnunnar. Ég tel þann frambjóðanda vera kominn fram, með Guðbjarti Hannessyni. Hann vann gríðarlega góðan sigur í sínu kjördæmi og ég er mjög ánægð með að hann skyldi bjóða sig fram og mun styðja hann til formennsku," sagði Sigríður í þættinum.