Kate Middleton er laus af sjúkrahúsinu

Katrín Middleton hertogaynjan af Cambridge hefur verið útskrifuð af King Edward sjúkrahúsinu í London. Þar hefur hún legið undanfarna daga vegna alvarlegrar morgunógleði í kjölfar þess að hún er orðin ólétt.

Í frétt um málið á vefsíðu BBC segir að Vilhjálmur eiginmaður hennar hafi fylgt henni út af sjúkrahúsinu. Í tilkynningu frá bresku konungsfjölskyldunni segir að þau hjónin hafi haldið til Kensington hallar en þar mun Kate dvelja á næstunni og hvíla sig.

Katrín mun hafa brosað til þeirra fréttamanna sem biðu fyrir utan sjúkrahúsið og síðan sagði hún aðspurð að sér liði mun betur núna.