Jónína ekki á lista - segist ekki vera nógu stillt

„Ég er bara ekki nógu stillt," segir Jónína Benediktsdóttir sem sóttist eftir að leiða lista Framsóknarflokksins í Reykjavíkurkjördæmi suðri.

Uppstillingarnefnd hefur lokið störfum en á listanum sem nefndin leggur til er nafn Jónínu hvergi að finna. Fyrstu sætin í suðri leiða Vigdís og svo Karl Garðarsson. Í norðri verða það Frosti Sigurjónsson og Sigrún Magnúsdóttir.

„Þetta var tilkynnt í gær," segir Jónína sem ætlar þó ekki að gefast upp. Það þarf að leggja listana fyrir flokksmenn og verður kosið um listann annað kvöld. Þar má gera breytingatillögur á listanum, meðal annars um nöfn á listum.

Spurð hvort Jónína hyggist gera athugasemdir við listann og leggja eigið nafn til svarar hún: „Það má búast við því að ég eða einhver annar komi með breytingatillögu."

Kosið verður um listann annað kvöld í höfuðstöðvum Framsóknarflokksins á Hverfisgötu í miðbæ Reykjavíkur.

Tillögur nefndarinnar eru eftirfarandi:

Reykjavíkurkjördæmi suður:

Vigdís Hauksdóttir

Karl Garðarsson

Sveinbjörg Birna Sveinbjörnsdóttir

Jóhanna Kristín Björnsdóttir

Hafsteinn Ágústsson

Sunna Gunnars Marteinsdóttir

Ragnar Rögnvaldsson

Reykjavíkurkjördæmi norður:

Frosti Sigurjónsson

Sigrún Magnúsdóttir

Þorsteinn Magnússon

Fanný Gunnarsdóttir

Snædís Karlsdóttir

Einar Jónsson

Snorri Þorvaldsson