Anna Mjöll vill tæpar 200 milljónir króna frá Cal

Anna Mjöll Ólafsdóttir, sem er nú að ganga frá skilnaði við auðjöfurinn Cal Worthington, telur sig eiga rétt á að fá um 190 milljónir króna eða 1,5 milljónir dala frá honum vegna skilnaðarins. Ástæðan er sú að hún telur sig eiga helming í húsnæði sem Worthington keypti á meðan þau voru saman og kostaði um þrjár milljónir dala.

Anna Mjöll og Worthington, sem er 92 ára gamall, voru gift um nokkurra mánaða skeið. Hann er frægur bílasali og á sand af seðlum. Hjónbandið gekk hins vegar ekki upp og nú er verið að ganga frá skilnaðinum í réttarsal vestanhafs. Cal segir að hún hafi hins vegar gengist undir kaupmála og eigi því bara rétt á 30 þúsund dölum, eða um 4 milljónum króna.

Tengd myndbönd:

Anna Mjöll: Skalf eftir skilnaðinn

Anna Mjöll: Ég var eins og sunnudagsskraut

Anna Mjöll: Einlæg um fósturmissinn

Anna Mjöll og Luca Ellis