Real Madrid tapaði í Sevilla

Real Betis gerði sér lítið fyrir og sigraði Real Madrid 1-0 á heimavelli sínum Manuel Ruiz de Lopera leikvanginum í Sevilla. Markið kom snemma í fyrri hálfleik.

Benat skoraði sigurmarkið strax á 17. mínútu með góðu skoti utan teigs og þrátt fyrir ákafa sókn Real Madrid náðu spænsku meistararnir ekki að jafna metin.

Real Madrid er því enn átta stigum á eftir Barcelona en Barcelona á leik til góða á morgun.

Real Betis lyfti sér upp í fimmta sæti deildarinnar með 22 stig, líkt og Malaga en lakari markatölu.