Enn ein kannabisræktunin stöðvuð

Lögreglan á höfuðborgarsvæðinu stöðvaði enn eina kannabisræktunina í fyrradag. Nú var hún í iðnaðarhúsnæði í Kópavogi.

Við húsleit fundust tæplega 50 kannabisplöntur. Karl á þrítugsaldri, húsráðandi á staðnum, var yfirheyrður vegna rannsóknarinnar og viðurkenndi hann aðild sína að málinu. Maðurinn hefur áður komið við sögu hjá lögreglu.

Lögreglan minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.