Ísland meðflytjandi ályktunar um Palestínu

Össur Skarphéðinsson utanríkisráðherra hefur ákveðið að Ísland verði meðflutningsríki ályktunar þess efnis að Palestína fái stöðu áheyrnarríkis hjá Sameinuðu þjóðunum.

Tillagan verður lögð fram til atkvæðagreiðslu á allsherjarþingi Sameinuðu þjóðanna í New York á morgun. Össur segir að með þessari ákvörðun undirstriki Ísland þá stefnu sína að vera í fararbroddi þeirra ríkja sem styðji baráttu Palestínumanna fyrir sjálfstæði. Búist er við því að tillagan nái fram að ganga.