Aukinn stuðning þarf svo 85% hreyfi sig árið 2020

Þórdís Lilja Gísladóttir, sérfræðingur um íþróttir og heilsu, telur gerlegt að ná markmiði borgarstjórnar að meira en 85% borgarbúa stundi skipulega hreyfingu árið 2020. Hún segir hins vegar að til þess þurfi að koma stuðningur og fjármagn frá borginni til íþróttafélaga.

„Mér fyndist þá eðlilegt að borgin myndi þá bara sjá um að reka íþróttastarfið hér og borga starfsmönnum íþróttafélaganna laun rétt eins og hún borgar kennurum í skóla," segir Þórdís. Hún bendir á að fólk í dag geri svipaðar kröfur til íþróttafélaga og til grunnskóla.

Hún segir að rekstur íþróttafélag sé hins vegar í járnum og ef það muni ekki breytast séu þessi markmið borgarstjórnar ekki í samræmi við framlög borgarinnar til félaganna. Borgarráð samþykkti nýja stefnu í íþróttamálum þann 19. júní þar sem téð markmið kemur fram.

Steinunn segir að nú stundi um 30% almennings í borginni skipulagða hreyfingu en þar eru börn og unglingar ekki talin með. Ef börn eru talin með er núverandi hlutfall 72%. Steinunn telur dálítið villandi að setja þetta fram með þeim hætti því hlutfall barna sem stundar íþróttir á Íslandi er óvenjulega hátt. Hins vegar fellur það niður við 16 ára aldurinn.