Skotar og Norðmenn ræða aðgerðir gegn Íslandi og Færeyjum

Sjávarútvegsráðherrar Noregs og Skotlands hittast í Bergen nú í vikulokin til að ræða aðferðir til að beita Íslendinga og Færeyinga auknum þrýstingi vegna makrílveiða þjóðanna.

Í frétt um málið á vefsíðu UPI fréttastofunnar er haft eftir Richard Lochhead sjávarútvegsráðherra Skota að reyna á að fá Íslendinga og Færeying að samningaborðinu að nýju, því koma verði í veg fyrir ósjálfbærar veiðar þeirra á makríl fimmta árið í röð.

Skotar hafa þrýst mjög á Evrópusambandið um að það beiti refsiaðgerðum gegn Íslandi og Færeyjum en slíkar aðgerðir hafa enn ekki litið dagsins ljós.