Í anda siðareglna að upplýsa fyrirfram um boðsferðir

Fram kemur í áliti innri endurskoðandi Reykjavíkurborgar að það sé í anda siðareglna og góða starfshætti að borgarfulltrúar upplýsi fyrirfram um ferðir sem þeim eru boðnar. Þetta er meðal þess sem kemur fram í tveggja blaðsíðna úttekt innri endurskoðunar borgarinnar á boðsferð sem Einar Örn Benediktsson þáði hjá WOW Air í lok maí.

Minnihluti borgarstjórnar óskaði eftir áliti innri endurskoðanda á ferðalaginu með hliðsjón af siðareglum og góðum starfsháttum kjörinna fulltrúa og embættismanna á vegum borgarinnar.

Í raun er enga eiginlega afstöðu að finna um málið hjá Innri endurskoðun. Aftur á móti er hvatt til þess að settur verði á fót vettvangur til þess að fjalla um möguleg brot á siðareglum.

Eins sé mikilvægt að sambærilegur vettvangur verði til vegna álitaefna um siðareglur kjörinna fulltrúa og um ætluð brot á þeim líkt og sveitarstjórnarlög gera ráð fyrir að verði til innan Sambands íslenskra sveitarfélaga.