Landsliðið heldur til Hollands

Sex íslenskir frjálsíþróttamenn halda á morgun til Stadskanaal í Hollandi þar sem Evrópumót fatlaðra fer fram. Mótið hefst næstkomandi sunnudag og ríður langstökkvarinn Baldur Ævar Baldursson á vaðið fyrir fyrir hönd Íslands.

Hópurinn er sá stærsti sem Ísland hefur sent á EM í frjálsum fatlaðra en hann er þannig skipaður:

Davíð Jónsson, Ármann

Helgi Sveinsson, Ármann

Baldur Ævar Baldursson, Snerpa

Ingeborg Eide Garðarsdóttir, FH

Matthildur Ylfa Þorsteinsdóttir, ÍFR

Hulda Sigurjónsdóttir, Suðri

Þjálfarar í ferðinni eru Ásta Katrín Helgadóttir og Kári Jónsson en fararstjóri er Linda Kristinsdóttir.