Stjórnvöld munu ekki gera neinar tilraunir til þess að koma í veg fyrir mótmæli þegar Wen Jiabao, forsætisráðherra Kína, kemur til landsins. Þetta segir Jóhanna Sigurðardóttir forsætisráðherra á Facebooksíðu sinni.
„Strax þegar farið var að undirbúa þessa heimsókn var því skýrt komið á framfæri við kínversk stjórnvöld að friðsamleg mótmæli séu að sjálfsögðu heimil enda sé það lýðræðislegur réttur hér á landi. Öryggi forsætisráðherra Kína verður að sjálfsögðu tryggt eins og annarra háttsettra erlendra gesta sem koma til landsins og aðeins á þeim grundvelli fer undirbúningur lögregluyfirvalda fram vegna þessarar heimsóknar," segir Jóhanna.
Þegar Jiang Zemin, þáverandi forseti Kína, kom til Íslands árið 2002 komu íslensk stjórnvöld í veg fyrir að Falung Gong liðar mótmæltu hér á landi.
Stjórnvöld munu ekki koma í veg fyrir mótmæli
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
