Nýtt tónlistarmyndband Ok Go vekur athygli

Nýtt tónlistarmynd hljómsveitarinnar Ok Go var opinberað á Super Bowl um síðustu helgi. Tónlistarmyndbandið var framleitt af Chevrolet og var hugsað sem auglýsing fyrir nýja línu af smábílum.

Hljómsveitin er víðfræg fyrir flókin og hugmyndarík tónlistarmyndbönd - en þetta nýjasta myndband hefur vakið sérstaka athygli.

Í myndbandinu ekur söngvari hljómsveitarinnar Chevy Sonic smábíl á sérhannaðri aksturbraut. Bíllinn er svo notaður til að framkalla hljóma með því að aka honum á sérútbúin hljóðfæri sem raðað hefur verið meðfram brautinni.

Söngvarinn ekur bílnum og syngur á meðan hinir meðlimir hljómsveitarinnar stjórnar vélrænum örmum sem lemja heimagerð hljóðfæri.

Gríðarlega skipulagningu þurfti til að ná réttum hljómum og takti. Einn af meðlimum Ok Go hannaði sérstakt forrit sem breytir takti í kílómetra á klukkustund. Bílnum var ekið á rúmlega 50 kílómetra hraða í viðlaginu. Í versunum var bílnum ekið á 26 kílómetra hraða.

Söngvarinn notaðist þó ekki við hraðamælinn í bílnum heldur féllu baunapokar á aksturbrautina með ákveðnu millibili og þannig gat hann fylgst með niðurslaginu.

Hægt er að sjá tónlistarmyndið hér að ofan. Að auki er hægt að sjá fleiri tónlistarmyndbönd með Ok Go á YouTube.