Nauðgunarlyf eru algengari en við höldum

Ung kona sem var byrlað nauðgunarlyf, tók til sinna ráða þegar aftur var reynt að byrla henni ólyfjan. Hún hvetur til vitundarvakninar um þessi mál.

Thelma Dögg greindi á Facebook-síðu sinni frá atvikinu, sem átti sér stað á skemmtistað í miðborg Reykjavíkur.

„Það æxlast þannig að ég tek upp glas af borðinu og þar sé ég töflu í glasinu. Út frá því fer ég til dyravarðarins og læt hann vita hvað er í glasinu hjá mér. Ég fé lítil svör og hann kippir sér lítið upp við það," segir hún.

Hún er afar ósátt við þessi viðbrögð og vill að eigendur skemmtistaða sýni ábyrgð.

„Auðvitað á ég að bera ábyrgð á glasinu mínu. En það er svo margt hægt að gera til að fyrirbyggja þetta. Og við erum að gefa gerendunum grænt ljós á að þetta sé bara svona. Og þetta á náttúrlega ekki að vera þannig," segir hún.

Thelma lenti í því í fyrra að drekka úr glasi með nauðgunarlyfi, hún fann fyrir doða í fótleggjum og máttleysi.

„Í mínu tilviki mundu ég voða lítið eftir það," segir hún.

Lyfið rohypnol hefur mikið verið misnotað sem nauðgunarlyf, en erfitt er að greina það í blóði eftir sólarhring. Hún ráðleggir fólki sem grunar að því hafi verið byrlað slíkt að leita strax til bráðamótttöku.

Thelma hefur nú stofnað síðuna Höfum augun opin þar sem hún hvetur til umræðu um þessi mál.

„Það eru margar stelpur búnar að koma og tala við mig. Og strákum. Sem mér finnst frábært. Þetta er mjög algengt. Þetta er miklu algengara en okkur dettur í hug," segir hún.