Hnefaleikaheimurinn er í uppnámi eftir að goðsögnin Sugar Ray Leonard upplýsti að hann hefði verið kynferðislega misnotaður af þjálfara þegar hann var ungur.
Þetta kemur fram í nýrri ævisögu hnefaleikakappans sem heitir: In the big fight: My life in and out of the ring.
Leonard heldur því fram að einn Ólympíuþjálfara Bandaríkjanna hafi misnotað sig fyrir leikana árið 1976 en Leonard vann gullverðlaun á þeim leikum.
Hann segir að þjálfarinn hafi ráðist á sig í bíl á auðu bílastæði. Þjálfarinn er látinn.
Hnefaleikagoðsögn segist hafa verið misnotuð kynferðislega
