Fundu engin fíkniefni heima hjá próflausum ökumanni

Lögreglumenn í Borgarnesi stöðvuðu ökuferð karlmanns á þrítugsaldri í kvöld en hann hafði verið sviptur ökuleyfi fyrir nokkru síðan vegna fíkniefnaaksturs.

Lögreglumennirnir þekktu manninn og vissu að hann væri próflaus og stöðvuðu því för hans. Í kjölfarið gerðu þeir húsleit heima hjá manninum en engin fíkniefni fundust á heimilinu. Maðurinn leyfði lögreglunni að leita heima hjá sér.

Þá stöðvaði lögreglan í Borgarnesi tvo ökumenn fyrir að keyra of hratt undir Akrafjallinu í kvöld. Þeir keyrðu á 111 og 115 kílómetra hraða.