Svavar, María og Páll sýknuð - fréttin ekki sett fram í vondri trú

Fréttamaðurinn Svavar Halldórsson var sýknaður af meiðyrðakröfu Pálma Haraldssonar í Héraðsdómi Reykjaness í morgun. Þá var María Sigrún Hilmarsdóttir og Páll Magnússon, einnig sýknuð. María Sigrún las inngang fréttarinnar en Páli var stefnt sem ábyrgðarmanni fréttastofunnar.

Pálmi krafðist þess að frétt Svavars, sem birtist í mars á síðasta ári og fjallaði um meinta fjármagnsflutninga félagsins Fons sem það fékk að láni frá Glitni í hruninu.

Pálmi krafðist þess að eftirfarandi ummæli yrðu dæmd ómerk: "Milljarðar hurfu í reyk." „2.500 milljónir króna, sem Pálmi Haraldsson fékk lánaðar hjá Glitni fyrir hrun, virðast gufaðar upp í flókinni viðskiptafléttu". „...þegar hann fékk tveggja og hálfs milljarða króna lán frá Glitni rétt fyrir hrun." „...og peningarnir eru týndir." og „...en þeir peningar finnast hins vegar hvergi."

Pálmi heldur því fram að fréttin sé vitlaus frá upphafi til enda. Þannig sýnir hann fram á feril lánsins í málatilbúningi sínum, sem sýni fram á að féð hafi alls ekki gufað upp.

Pálmi sýnir því fram á fyrir dómi að fréttaflutningur Svavars var ekki réttur að öllu leyti, en dómari segir það ekki skipta öllu máli, það sem það „hefur ekki verið sýnt fram á að þær fullyrðingar, sem birtust í fréttinni, hafi verið settar fram í vondri trú" eins og segir í dómsorði.

Þá segir ennfremur í niðurstöðu dómsins „að rétturinn til tjáningar annars vegar og æruvernd hins vegar, beri meðal annars að líta til þess jarðvegs sem ummælin spruttu úr, stöðu þeirra aðila sem hlut eiga að máli og til þess hvort hið birta efni geti talist þáttur í almennri þjóðfélagsumræðu og eigi því erindi til almennings."

Því telur dóminum einsýnt að í ljósi þeirra aðstæðna sem sköpuðust eftir bankahrunið verði Pálmi að þola nærgöngula umræðu um verk sín og persónu sína. Lánveitingar og fjármagnsflutningar í aðdraganda bankahrunsins eru mikilvægar fréttir og eiga brýnt erindi til almennings, samkvæmt dómsorði.

Pálmi krafðist þriggja milljóna í miskabætur.