Fundu skipsflak úr kínverskum innrásarflota frá 13. öld

Japanskir fornleifafræðingar hafa fundið flak skips sem talið er að hafi verið hluti af  innrásarflota mongólska Kínakeisarans Kublai Khan á 13. öld.



Flakið sem hér um ræðir fannst á hafsbotni undan ströndum Nagasaki. Um er að ræða 12 metra langt stykki af kjöl skipsins. Þetta er í fyrsta sinn sem svo stórt stykki af skipi úr kínversku innrásarflotunum finnst við strendur Japan.

Kublai Khan var sonarsonur Ghengis Khan og ríkti sem keisari Kína á síðari hluta 13. aldar. Hann sendi tvo innrásarflota til Japan, árið 1274 og aftur árið 1281. Í bæði skiptin lentu flotar þessir í miklum stormum  þannig að megnið af skipunum sökk.

Japanir kölluðu þessa storma síðan heilagan vind eða Kamakaze. Seinna var það nafn notað yfir sjálfsmorðssveitir japanska flughersins sem herjuðu á bandaríska flotann í seinni heimsstryjöldinni. En það er önnur saga.